A Moment for me (အဖိုးတန်ကိုယ်ပိုင် အချိန်လေး)

အဖိုးတန် ကိုယ်ပိုင်အချိန်ကလေး

Team NYANA, ဉာဏ

”သင့်ရဲ့စိတ်လေးကို အေးချမ်းပြီး ခွန်အားပြည့်၀စေဖို့
ရိုးရှင်းလွယ်ကူသော ကျင့်စဉ် (၅၂) ခု”

”အဖိုးတန်ကိုယ်ပိုင်အချိန်ကလေး.. A Moment for Me” စာအုပ်ဟာ တစ်နှစ်တာလုံး လိုက်နာကျင့်သုံးနိုင်မယ့် Mindfulness အလေ့အကျင့်ကောင်းများကို ပြည့်ပြည့်စုံစုံ တင်ပြထားပါတယ်။ စိတ်ဝင်စားဖွယ်ကောင်းပြီး နားလည်လွယ်ကူသော လေ့ကျင့်ခန်း ၅၂ မျိုး ပါရှိတဲ့အတွက် ကိုယ့်ရဲ့ နေ့စဉ်ဘ၀မှာ Mindfulness ကို ပုံမှန်လေ့ကျင့်ခန်းတစ်ခုအဖြစ် အမြဲမပြတ် လေ့ကျင့်နိုင်မှာ ဖြစ်ပါတယ်…

ဒီစာအုပ်လေးက ဘူဖေးစားသလို ဖြည်းဖြည်းမှန်မှန်နဲ့ အရသာခံပြီး ဖတ်ရမယ့် စာအုပ်ကောင်းလေးတစ်အုပ်ပါ။ ဒီစာအုပ်ကို တစ်ထိုင်တည်း မဖတ်သင့်ပါဘူး။ တန်ဖိုးရှိလှတဲ့ အရသာတွေကို တစ်ပိုင်းချင်း၊ တစ်စိတ်ချင်း၊ တစ်နှစ်တာမှာ ဖြည်းဖြည်းချင်း ခံစားသွားဖို့ တိုက်တွန်းလိုပါတယ်။ ဒီစာအုပ်ဟာ ငြိမ်းချမ်းမှု၊ ရှင်းလင်းမှုနဲ့ အေးချမ်းမှုတွေကို လိုချင်တဲ့ သူတိုင်းအတွက် မရှိမဖြစ် လမ်းညွှန်တစ်ခုပါ။
– Martin Wikalk, founder and CEO of The Mindfulness App

စာရေးသူဟာ ဒီစာအုပ်ထဲက Mindfulness ဆိုင်ရာ အလေ့အကျင့်တွေကို ရှင်းလင်းပြီး လိုက်နာရလွယ်ကူစေဖို့ အစွမ်းကုန် ကြိုးစားရေးသားထားပါတယ်။ လေ့ကျင့်ခန်း တလှည့်၊ ပုံတိုပတ်စ တလှည့်နဲ့ မပျင်းရအောင် ရေးသားပြုစုပေးထားတာဖြစ်လို့ တွေ့ဖူးသမျှ Mindfulness စာအုပ်တွေထဲမှာတော့ အကောင်းဆုံးလို့ ပြောလို့ ရပါတယ်။ ဒီစာအုပ်ထဲမှာပါတဲ့ အကြံဉာဏ်နဲ့ လမ်းညွှန်မှုတွေ အားလုံးက စာရေးသူရဲ့ များပြားလှတဲ့ အတွေ့အကြုံတွေကနေ ဆင်းသက်လာတာဖြစ်လို့ သင့်အတွက် သေချာပေါက် အကျိုးဖြစ်ထွန်းစေမှာပါ။
– David Treleaven, PD.d, author of Trauma Sensitive Mindfulness